jaisa hamein guman tha waisa nahin raha
jaisā hameñ gumān thā vaisā nahīñ rahā
qissa bhī iḳhtitām pe qissa nahīñ rahā
ik ḳhauf saath saath hai ūñche makān kā
aisā nahīñ ki shahr meñ saaya nahīñ rahā
sailāb apne saath bahā le gayā use
niilā subuk-ḳhirām vo dariyā nahīñ rahā
kashtī ke bādbān meñ simTī rahī havā
lutf-e-safar ki maiñ thā akelā nahīñ rahā
miltī hai biich biich meñ shahroñ kī raushnī
sahrā kā gasht khel-tamāshā nahīñ rahā
kahte nahīñ ho sher buzurgoñ kī tarz par
tum ko 'suhail' ḳhauf ḳhudā kā nahīñ rahā
jaisa hamein guman tha waisa nahin raha
qissa bhi iKHtitam pe qissa nahin raha
ek KHauf sath sath hai unche makan ka
aisa nahin ki shahr mein saya nahin raha
sailab apne sath baha le gaya use
nila subuk-KHiram wo dariya nahin raha
kashti ke baadban mein simTi rahi hawa
lutf-e-safar ki main tha akela nahin raha
milti hai bich bich mein shahron ki raushni
sahra ka gasht khel-tamasha nahin raha
kahte nahin ho sher buzurgon ki tarz par
tum ko 'suhail' KHauf KHuda ka nahin raha
Source:
Mujalla Dastavez (Pg. 267)
- Author: Aziz Nabeel
-
- Edition: 2010
- Publisher: Edarah Dastavez
- Year of Publication: 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
