jamil ko gumrahi mubarak ki ab to saman bhi wahi hai

'jamīl' ko gumrahī mubārak ki ab to sāmān bhī vahī hai

jo dil kī vahshat kā thā taqāza ḳhirad kā mailān bhī vahī hai

ḳhudī mohabbat ke falsafe meñ hai us ke jazboñ kī maut lekin

kuchh aur dil meñ utar ke dekho to ishq kī jaan bhī vahī hai

banī thī hamdard ishq kī jab to aql ko ye bhī dekhnā thā

ki jis ko vo fā.eda samajhtī hai us kā nuqsān bhī vahī hai

hamārī mīzān-e-āgahī meñ yaqīn kyā hai gumāñ kī shiddat

jo shak kī āġhosh meñ palā ho usūlan īmān bhī vahī hai

'jamīl' kaisī ḳhudā-parastī vahī ghuTī ḳhvāhishoñ kī mastī

Duboī jis ne hamārī kashtī tumhārā tūfān bhī vahī hai

'jamil' ko gumrahi mubarak ki ab to saman bhi wahi hai

jo dil ki wahshat ka tha taqaza KHirad ka mailan bhi wahi hai

KHudi mohabbat ke falsafe mein hai us ke jazbon ki maut lekin

kuchh aur dil mein utar ke dekho to ishq ki jaan bhi wahi hai

bani thi hamdard ishq ki jab to aql ko ye bhi dekhna tha

ki jis ko wo faeda samajhti hai us ka nuqsan bhi wahi hai

hamari mizan-e-agahi mein yaqin kya hai guman ki shiddat

jo shak ki aaghosh mein pala ho usulan iman bhi wahi hai

'jamil' kaisi KHuda-parasti wahi ghuTi KHwahishon ki masti

Duboi jis ne hamari kashti tumhaara tufan bhi wahi hai