jhum ke saghar kaun uThae kis ko paDi maiKHane ki

jhuum ke sāġhar kaun uThā.e kis ko paḌī maiḳhāne kī

saaqī ko bhī hosh nahīñ hai qismat hai paimāne kī

gulshan gulshan yuuñ phirtī hai chāk-garebāñ phuul kī ḳhushbū

jaise sabā ne phailā dī ho baat kisī dīvāne kī

dīvane-pan kī ghāTī meñ aql kā sūraj Duub chalā

shahr-e-taḳhayyul par chhā.ī hai shaam kisī vīrāne kī

saare sahāre chhūT chale haiñ sub.h kā taarā Duub chalā

phir bhī tamannā soch rahī hai baat kisī ke aane kī

zinda rah kar hī pahuñchegā pyaar kā naġhma galiyoñ galiyoñ

baat adhūrī rah jaatī hai jal-bhun kar parvāne kī

bedardoñ ke daur meñ hai 'jumbish' ḳhūn-e-tamannā hone do

koī na koī aañsū surḳhī de degā afsāne kī

jhum ke saghar kaun uThae kis ko paDi maiKHane ki

saqi ko bhi hosh nahin hai qismat hai paimane ki

gulshan gulshan yun phirti hai chaak-gareban phul ki KHushbu

jaise saba ne phaila di ho baat kisi diwane ki

diwane-pan ki ghaTi mein aql ka suraj Dub chala

shahr-e-taKHayyul par chhai hai sham kisi virane ki

sare sahaare chhuT chale hain subh ka tara Dub chala

phir bhi tamanna soch rahi hai baat kisi ke aane ki

zinda rah kar hi pahunchega pyar ka naghma galiyon galiyon

baat adhuri rah jati hai jal-bhun kar parwane ki

bedardon ke daur mein hai 'jumbish' KHun-e-tamanna hone do

koi na koi aansu surKHi de dega afsane ki