ji raha hun pa kya yunhi jita rahun

jī rahā huuñ pa kyā yūñhī jiitā rahūñ

maiñ na terī taḌap huuñ na apnā sukūñ

ab to sarmā kī shab ban ke ThiThure hai ḳhuuñ

aur kab tak tumhārī tamannā karūñ

tum ko chāhā ki thī nargisiyat fuzūñ

apnā ḳhvāhāñ tumhārī visātat se huuñ

aise rūThe the lekin mile haiñ to yuuñ

chāhtā huuñ ki un se na kuchh bhī kahūñ

hijr jaañ kā ziyāñ vasl marg-e-junūñ

jiite rahne kā imkān yuuñ hai na yuuñ

thaah is dil kī dekheñ pa dekheñ to kyuuñ

dekhā jā.egā kyā apne ḳhvāboñ kā ḳhuuñ

fikr-e-sūd-o-ziyāñ ḳhāk-ālūda huuñ

maiñ ki thā tā.ir-e-vus.at-e-nīl-gūñ

ji raha hun pa kya yunhi jita rahun

main na teri taDap hun na apna sukun

ab to sarma ki shab ban ke ThiThure hai KHun

aur kab tak tumhaari tamanna karun

tum ko chaha ki thi nargisiyat fuzun

apna KHwahan tumhaari wisatat se hun

aise ruThe the lekin mile hain to yun

chahta hun ki un se na kuchh bhi kahun

hijr jaan ka ziyan wasl marg-e-junun

jite rahne ka imkan yun hai na yun

thah is dil ki dekhen pa dekhen to kyun

dekha jaega kya apne KHwabon ka KHun

fikr-e-sud-o-ziyan KHak-aluda hun

main ki tha tair-e-wusat-e-nil-gun