jine ki hai umid na marne ki aas hai
jiine kī hai umiid na marne kī aas hai
jis shaḳhs ko bhī dekhiye tasvīr-e-yās hai
jab se masarratoñ kī huī justujū mujhe
maiñ bhī udaas huuñ mirā dil bhī udaas hai
lāshoñ kā ek Dher hai ghere hue mujhe
ābād ek shahr mire ās-pās hai
mujh se chhupā sakegī na apne badan kā koḌh
duniyā mirī nigāh meñ yuuñ be-libās hai
yārān-e-mai-kada mirā anjām dekhnā
tanhā huuñ aur sāmne ḳhālī gilās hai
ab tark-e-ārzū ke sivā kyā kareñ 'zuhair'
is dasht-e-ārzū kī fazā kis ko raas hai
jine ki hai umid na marne ki aas hai
jis shaKHs ko bhi dekhiye taswir-e-yas hai
jab se masarraton ki hui justuju mujhe
main bhi udas hun mera dil bhi udas hai
lashon ka ek Dher hai ghere hue mujhe
aabaad ek shahr mere aas-pas hai
mujh se chhupa sakegi na apne badan ka koDh
duniya meri nigah mein yun be-libas hai
yaran-e-mai-kada mera anjam dekhna
tanha hun aur samne KHali gilas hai
ab tark-e-arzu ke siwa kya karen 'zuhair'
is dasht-e-arzu ki faza kis ko ras hai
Source:
Dariche (Pg. 42)
- Author: Bashir Saifi
-
- Edition: 1975
- Publisher: Shakhsar Publishers
- Year of Publication: 1975
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
