jita hun jo mar mar ke ye jina to nahin hai
jita hun jo mar mar ke ye jina to nahin hai
Mahesh Chandra Naqsh
MORE BYMahesh Chandra Naqsh
jiitā huuñ jo mar mar ke ye jiinā to nahīñ hai
duniyā mire ehsās kī duniyā to nahīñ hai
kahne ko to hai dīda-e-nargis meñ bhī jaadū
har aañkh meñ tasvīr-e-tamannā to nahīñ hai
ye husn ke jalve ye fazāoñ kā tarannum
ye shām-e-chaman shām-e-kalīsā to nahīñ hai
aayā hai dil-e-zār ko paiġhām-e-masarrat
ye bhī ġham-e-fardā kā taqāzā to nahīñ hai
yuuñ ruuTh ke jaane pe maiñ ḳhāmosh huuñ lekin
ye baat mire dil ko gavārā to nahīñ hai
har haal meñ lāzim hai mujhe pās-e-mohabbat
ye sach hai magar dil kā bharosa to nahīñ hai
bigḌe the vo jis baat pe mujh se sar-e-mahfil
ai 'naqsh' dil us baat ko bhūlā to nahīñ hai
jita hun jo mar mar ke ye jina to nahin hai
duniya mere ehsas ki duniya to nahin hai
kahne ko to hai dida-e-nargis mein bhi jadu
har aankh mein taswir-e-tamanna to nahin hai
ye husn ke jalwe ye fazaon ka tarannum
ye sham-e-chaman sham-e-kalisa to nahin hai
aaya hai dil-e-zar ko paigham-e-masarrat
ye bhi gham-e-farda ka taqaza to nahin hai
yun ruTh ke jaane pe main KHamosh hun lekin
ye baat mere dil ko gawara to nahin hai
har haal mein lazim hai mujhe pas-e-mohabbat
ye sach hai magar dil ka bharosa to nahin hai
bigDe the wo jis baat pe mujh se sar-e-mahfil
ai 'naqsh' dil us baat ko bhula to nahin hai
Source:
Andaaz (Pg. 88)
- Author: Mahesh Chandr Naqsh
-
- Edition: 1962
- Publisher: Sangam Kitab Ghar, Delhi
- Year of Publication: 1962
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
