aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jite ji maut ke tum munh mein na jaana hargiz

Altaf Hussain Hali

jite ji maut ke tum munh mein na jaana hargiz

Altaf Hussain Hali

MORE BYAltaf Hussain Hali

    jiite maut ke tum muñh meñ na jaanā hargiz

    dosto dil na lagānā na lagānā hargiz

    ishq bhī taak meñ baiThā hai nazar-bāzoñ

    dekhnā sher se āñkheñ na laḌānā hargiz

    haath malne na hoñ piirī meñ agar hasrat se

    to javānī meñ na ye rog basānā hargiz

    jitne raste the tire ho ga.e vīrāñ ai ishq

    aa ke vīrānoñ meñ ab ghar na basānā hargiz

    kuuch sab kar ga.e dillī se tire qadr-shanās

    qadr yaañ rah ke ab apnī na gañvānā hargiz

    tazkira dehli-e-marhūm ai dost na chheḌ

    na sunā jā.egā ham se ye fasāna hargiz

    DhūñDtā hai dil-e-shorīda bahāne mutrib

    dard-añgez ġhazal koī na gaanā hargiz

    sohbateñ aglī musavvir hameñ yaad ā.eñgī

    koī dilchasp muraqqā na dikhānā hargiz

    le ke daaġh aa.egā siine pe bahut ai sayyāh

    dekh is shahr ke khañDaroñ meñ na jaanā hargiz

    chappe chappe pe haiñ yaañ gauhar-e-yaktā tah-e-ḳhāk

    dafn hogā kahīñ itnā na ḳhazāna hargiz

    miT ga.e tere miTāne ke nishāñ bhī ab to

    ai falak is se ziyāda na miTānā hargiz

    vo to bhūle the hameñ ham bhī unheñ bhuul ga.e

    aisā badlā hai na badlegā zamāna hargiz

    ham ko gar ne rulāyā to rulāyā ai charḳh

    ham pe ġhairoñ ko to zālim na hañsānā hargiz

    āḳhirī daur meñ bhī tujh ko qasam hai saaqī

    bhar ke ik jaam na pyāsoñ ko pilānā hargiz

    baḳht so.e haiñ bahut jaag ke ai daur-e-zamāñ

    na abhī niind ke mātoñ ko jagānā hargiz

    kabhī ai ilm o hunar ghar thā tumhārā dillī

    ham ko bhūle ho to ghar bhuul na jaanā hargiz

    shā.irī mar chukī ab zinda na hogī yaaro

    yaad kar kar ke use na kuḌhānā hargiz

    'ġhālib' o 'shefta' o 'nayyar' o 'āzurda' o 'zauq'

    ab dikhā.egā ye shakleñ na zamānā hargiz

    'momin' o 'alvī' o 'sahbā.ī' o 'mamnūñ' ke baad

    sher naam na legā koī daanā hargiz

    kar diyā mar ke yagānoñ ne yagāna ham ko

    varna yaañ koī na thā ham meñ yagāna hargiz

    'dāġh' o 'majrūh' ko sun lo ki phir is gulshan meñ

    na sunegā koī bulbul tarāna hargiz

    raat āḳhir huī aur bazm huī zer-o-zabar

    ab na dekhoge kabhī lutf-e-shabāna hargiz

    bazm-e-mātam to nahīñ bazm-e-suḳhan hai 'hālī'

    yaañ munāsib nahīñ ro ro ke rulānā hargiz

    jite ji maut ke tum munh mein na jaana hargiz

    dosto dil na lagana na lagana hargiz

    ishq bhi tak mein baiTha hai nazar-bazon ki

    dekhna sher se aankhen na laDana hargiz

    hath malne na hon piri mein agar hasrat se

    to jawani mein na ye rog basana hargiz

    jitne raste the tere ho gae viran ai ishq

    aa ke viranon mein ab ghar na basana hargiz

    kuch sab kar gae dilli se tere qadr-shanas

    qadr yan rah ke ab apni na ganwana hargiz

    tazkira dehli-e-marhum ka ai dost na chheD

    na suna jaega hum se ye fasana hargiz

    DhunDta hai dil-e-shorida bahane mutrib

    dard-angez ghazal koi na gana hargiz

    sohbaten agli musawwir hamein yaad aaengi

    koi dilchasp muraqqa na dikhana hargiz

    le ke dagh aaega sine pe bahut ai sayyah

    dekh is shahr ke khanDaron mein na jaana hargiz

    chappe chappe pe hain yan gauhar-e-yakta tah-e-KHak

    dafn hoga kahin itna na KHazana hargiz

    miT gae tere miTane ke nishan bhi ab to

    ai falak is se ziyaada na miTana hargiz

    wo to bhule the hamein hum bhi unhen bhul gae

    aisa badla hai na badlega zamana hargiz

    hum ko gar tu ne rulaya to rulaya ai charKH

    hum pe ghairon ko to zalim na hansana hargiz

    aaKHiri daur mein bhi tujh ko qasam hai saqi

    bhar ke ek jam na pyason ko pilana hargiz

    baKHt soe hain bahut jag ke ai daur-e-zaman

    na abhi nind ke maton ko jagana hargiz

    kabhi ai ilm o hunar ghar tha tumhaara dilli

    hum ko bhule ho to ghar bhul na jaana hargiz

    shairi mar chuki ab zinda na hogi yaro

    yaad kar kar ke use ji na kuDhana hargiz

    'ghaalib' o 'shefta' o 'nayyar' o 'azurda' o 'zauq'

    ab dikhaega ye shaklen na zamana hargiz

    'momin' o 'alwi' o 'sahbai' o 'mamnun' ke baad

    sher ka nam na lega koi dana hargiz

    kar diya mar ke yaganon ne yagana hum ko

    warna yan koi na tha hum mein yagana hargiz

    'dagh' o 'majruh' ko sun lo ki phir is gulshan mein

    na sunega koi bulbul ka tarana hargiz

    raat aaKHir hui aur bazm hui zer-o-zabar

    ab na dekhoge kabhi lutf-e-shabana hargiz

    bazm-e-matam to nahin bazm-e-suKHan hai 'haali'

    yan munasib nahin ro ro ke rulana hargiz

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now