jin baaton ko kahna mushkil hota hai
jin bātoñ ko kahnā mushkil hotā hai
un bātoñ ko sahnā mushkil hotā hai
is duniyā meñ rah kar ham ne ye jaanā
is duniyā meñ rahnā mushkil hotā hai
jis dhārā meñ bahnā sab se āsāñ ho
us dhārā meñ bahnā mushkil hotā hai
us ke saath hameñ āsānī hai kitnī
us se ye bhī kahnā mushkil hotā hai
us ke ta.ane us ke ta.ane hote haiñ
mushkil se bhī sahnā mushkil hotā hai
vo sab bāteñ jo tum aksar kahtī ho
un bātoñ kā sahnā mushkil hotā hai
vo bāteñ jo kahne meñ āsān lageñ
un bātoñ kā kahnā mushkil hotā hai
maazī kī yādeñ bhī aisā sūraj haiñ
jis sūraj kā gahnā mushkil hotā hai
maiñ apnī duniyā kā aisā sūraj huuñ
jis sūraj kā gahnā mushkil hotā hai
lagtī hai ye bahr bahut āsān magar
is meñ ġhazleñ kahnā mushkil hotā hai
jin baaton ko kahna mushkil hota hai
un baaton ko sahna mushkil hota hai
is duniya mein rah kar hum ne ye jaana
is duniya mein rahna mushkil hota hai
jis dhaara mein bahna sab se aasan ho
us dhaara mein bahna mushkil hota hai
us ke sath hamein aasani hai kitni
us se ye bhi kahna mushkil hota hai
us ke tane us ke tane hote hain
mushkil se bhi sahna mushkil hota hai
wo sab baaten jo tum aksar kahti ho
un baaton ka sahna mushkil hota hai
wo baaten jo kahne mein aasan lagen
un baaton ka kahna mushkil hota hai
mazi ki yaaden bhi aisa suraj hain
jis suraj ka gahna mushkil hota hai
main apni duniya ka aisa suraj hun
jis suraj ka gahna mushkil hota hai
lagti hai ye bahr bahut aasan magar
is mein ghazlen kahna mushkil hota hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
