jis ghane peD ke sae se nikal kar aae

jis ghane peḌ ke saa.e se nikal kar aa.e

kyā ta'ajjub ki usī samt se patthar aa.e

ḳhushk hoñToñ pe zabāñ reñg rahī hai ab tak

raat āñkhoñ meñ ka.ī baar samundar aa.e

aa.ina phir bhī haqīqat kā nigah-dār rahā

mere ahbāb ka.ī ruup badal kar aa.e

din ko tapte hue sūraj meñ rahe dast-ba-dast

shaam ko dil kī taraf dard ke lashkar aa.e

jab kabhī vahm-o-haqīqat meñ huī hai chashmak

pahle ham apne hī saa.e ke barābar aa.e

us ke hī haath se zanjīr-e-vafā chhūT ga.ī

vo jo kahtā thā ki ilzām na tum par aa.e

jis ghane peD ke sae se nikal kar aae

kya ta'ajjub ki usi samt se patthar aae

KHushk honTon pe zaban reng rahi hai ab tak

raat aankhon mein kai bar samundar aae

aaina phir bhi haqiqat ka nigah-dar raha

mere ahbab kai rup badal kar aae

din ko tapte hue suraj mein rahe dast-ba-dast

sham ko dil ki taraf dard ke lashkar aae

jab kabhi wahm-o-haqiqat mein hui hai chashmak

pahle hum apne hi sae ke barabar aae

us ke hi hath se zanjir-e-wafa chhuT gai

wo jo kahta tha ki ilzam na tum par aae