jis taraf dekhiye tufan nazar aane lage
jis taraf dekhiye tūfān nazar aane lage
shahr ke shahr hī vīrān nazar aane lage
jab se shīshoñ ne kiyā un ke havāle ḳhud ko
tab se patthar bhī pareshān nazar aane lage
muḳhtasar ham ne kiyā ḳhud ko zarā sā ḳhud meñ
kis qadar rāste āsān nazar aane lage
muflisī meñ huī pahchān mujhe apnoñ kī
thā gumāñ jin pe vo anjān nazar aane lage
ik qadam hī to baḌhāyā hai hamārī jānib
aap ko fā.ede nuqsān nazar aane lage
dekh kar merī talab merā junūn-e-manzil
rāste kaise pareshān nazar aane lage
jis taraf dekhiye tufan nazar aane lage
shahr ke shahr hi viran nazar aane lage
jab se shishon ne kiya un ke hawale KHud ko
tab se patthar bhi pareshan nazar aane lage
muKHtasar hum ne kiya KHud ko zara sa KHud mein
kis qadar raste aasan nazar aane lage
muflisi mein hui pahchan mujhe apnon ki
tha guman jin pe wo anjaan nazar aane lage
ek qadam hi to baDhaya hai hamari jaanib
aap ko faede nuqsan nazar aane lage
dekh kar meri talab mera junun-e-manzil
raste kaise pareshan nazar aane lage
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
