jo baad-e-marg bhi dil ko rahi kanar mein ja

jo bād-e-marg bhī dil ko rahī kanār meñ jā

to so chukā maiñ farāġhat se bas mazār meñ jā

tamām dard hoñ mālūm kuchh nahīñ ki kahāñ

tire ḳhadañg ne kī hai tan-e-nazār meñ jā

yahī to rizq hai bād-e-fanā mirā zālim

samajh ke barq-e-sharar-bār ḳhārzār meñ jā

qadam samajh ke tū rakh tishnigān-e-hasrat se

tihī nahīñ hai Tuk ulfat kī rahguzār meñ jā

uThī jo kulfat-e-dil kam ho merī kulfat meñ

ġhubār jaise ki mil jaa.e hai ġhubār meñ jā

na ho kahīñ ki do-sad-ḳhūn-e-ḳhufta hoñ bedār

sabā jo jaa.e to āhista kū-e-yār meñ jā

ḳhadañg-e-ġhamza to ḳhār-shigāf hai us kā

chhupā.e jī ko koī kaun se hisār meñ jā

jo baad-e-marg bhi dil ko rahi kanar mein ja

to so chuka main faraghat se bas mazar mein ja

tamam dard hon malum kuchh nahin ki kahan

tere KHadang ne ki hai tan-e-nazar mein ja

yahi to rizq hai baad-e-fana mera zalim

samajh ke barq-e-sharar-bar KHarzar mein ja

qadam samajh ke tu rakh tishnigan-e-hasrat se

tihi nahin hai Tuk ulfat ki rahguzar mein ja

uThi jo kulfat-e-dil kam ho meri kulfat mein

ghubar jaise ki mil jae hai ghubar mein ja

na ho kahin ki do-sad-KHun-e-KHufta hon bedar

saba jo jae to aahista ku-e-yar mein ja

KHadang-e-ghamza to KHar-shigaf hai us ka

chhupae ji ko koi kaun se hisar mein ja