jo bashar tufan se Takraata nahin

jo bashar tūfāñ se Takrātā nahīñ

apnī azmat ko samajh paatā nahīñ

justujū meñ ḳhud jo kho jaatā nahīñ

gauhar-e-maqsūd ko paatā nahīñ

kis ko dekheñ is bharī duniyā meñ ham

koī bhī tum sā nazar aatā nahīñ

sochiye to dil hī meñ maujūd hai

dekhiye to vo nazar aatā nahīñ

kyā qayāmat hai faroġh-e-fasl-e-gul

āshiyāñ apnā nazar aatā nahīñ

bad-gumāñ kyoñ mujh se nāseh ho gayā

maiñ kahīñ aatā nahīñ jaatā nahīñ

jo ġham-e-ulfat kā ḳhūgar ho gayā

vo ġham-e-daurāñ se ghabrātā nahīñ

luT chukā huuñ bārhā 'sābir' magar

ishq se dil ab bhī baaz aatā nahīñ

jo bashar tufan se Takraata nahin

apni azmat ko samajh pata nahin

justuju mein KHud jo kho jata nahin

gauhar-e-maqsud ko pata nahin

kis ko dekhen is bhari duniya mein hum

koi bhi tum sa nazar aata nahin

sochiye to dil hi mein maujud hai

dekhiye to wo nazar aata nahin

kya qayamat hai farogh-e-fasl-e-gul

aashiyan apna nazar aata nahin

bad-guman kyon mujh se naseh ho gaya

main kahin aata nahin jata nahin

jo gham-e-ulfat ka KHugar ho gaya

wo gham-e-dauran se ghabraata nahin

luT chuka hun barha 'sabir' magar

ishq se dil ab bhi baz aata nahin