jo bhi jine ke silsile kiye the

jo bhī jiine ke silsile kiye the

ham ne bas aap ke liye kiye the

tab kahīñ jā ke apnī marzī kī

pahle apnoñ se mashvare kiye the

kabhī us kī nigah mayassar thī

kaise kaise mushāhide kiye the

aql kuchh aur kar ke baiTh rahī

ishq ne aur faisle kiye the

baat ham ne sunī huī sunī thī

kaam us ne kiye hue kiye the

use bhī ek ḳhat likhā gayā thā

apne aage bhī aa.ine kiye the

yahāñ kuchh bhī nahīñ hai mere liye

tū ne kyā kyā mubālġhe kiye the

avval aane kā shauq thā lekin

kaam saare hī dūsre kiye the

baḌī mushkil thī vo ghaḌī 'javvād'

ham ne kab aise faisle kiye the

jo bhi jine ke silsile kiye the

hum ne bas aap ke liye kiye the

tab kahin ja ke apni marzi ki

pahle apnon se mashware kiye the

kabhi us ki nigah mayassar thi

kaise kaise mushahide kiye the

aql kuchh aur kar ke baiTh rahi

ishq ne aur faisle kiye the

baat hum ne suni hui suni thi

kaam us ne kiye hue kiye the

use bhi ek KHat likha gaya tha

apne aage bhi aaine kiye the

yahan kuchh bhi nahin hai mere liye

tu ne kya kya mubaalghe kiye the

awwal aane ka shauq tha lekin

kaam sare hi dusre kiye the

baDi mushkil thi wo ghaDi 'jawwad'

hum ne kab aise faisle kiye the