jo ghair the wo isi baat par hamare hue

Ahmad Faraz

jo ghair the wo isi baat par hamare hue

Ahmad Faraz

MORE BYAhmad Faraz

    jo ġhair the vo isī baat par hamāre hue

    ki ham se dost bahut be-ḳhabar hamāre hue

    kise ḳhabar vo mohabbat thī raqābat thī

    bahut se log tujhe dekh kar hamāre hue

    ab ik hujūm-e-shikasta-dilāñ hai saath apne

    jinheñ koī na milā ham-safar hamāre hue

    kisī ne ġham to kisī ne mizāj-e-ġham baḳhshā

    sab apnī apnī jagah chāragar hamāre hue

    bujhā ke taaq sham.eñ na dekh tāroñ ko

    isī junūñ meñ to barbād ghar hamāre hue

    vo e'timād kahāñ se 'farāz' lā.eñge

    kisī ko chhoḌ ke vo ab agar hamāre hue

    jo ghair the wo isi baat par hamare hue

    ki hum se dost bahut be-KHabar hamare hue

    kise KHabar wo mohabbat thi ya raqabat thi

    bahut se log tujhe dekh kar hamare hue

    ab ek hujum-e-shikasta-dilan hai sath apne

    jinhen koi na mila ham-safar hamare hue

    kisi ne gham to kisi ne mizaj-e-gham baKHsha

    sab apni apni jagah chaaragar hamare hue

    bujha ke taq ki shamen na dekh taron ko

    isi junun mein to barbaad ghar hamare hue

    wo e'timad kahan se 'faraaz' laenge

    kisi ko chhoD ke wo ab agar hamare hue

    RECITATIONS

    Nomaan Shauque

    Nomaan Shauque

    Nomaan Shauque

    jo ghair the wo isi baat par hamare hue Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY