jo hua jaun wo hua bhi nahin
jo huā 'jaun' vo huā bhī nahīñ
ya.anī jo kuchh bhī thā vo thā bhī nahīñ
bas gayā jab vo shahr-e-dil meñ mire
phir maiñ is shahr meñ rahā bhī nahīñ
ik ajab taur haal hai ki jo hai
ya.anī maiñ bhī nahīñ ḳhudā bhī nahīñ
lamhoñ se ab muāmla kyā ho
dil pe ab kuchh guzar rahā bhī nahīñ
jāniye maiñ chalā gayā huuñ kahāñ
maiñ to ḳhud se kahīñ gayā bhī nahīñ
tū mire dil meñ aan ke bas jā
aur tū mere paas aa bhī nahīñ
jo hua 'jaun' wo hua bhi nahin
yani jo kuchh bhi tha wo tha bhi nahin
bas gaya jab wo shahr-e-dil mein mere
phir main is shahr mein raha bhi nahin
ek ajab taur haal hai ki jo hai
yani main bhi nahin KHuda bhi nahin
lamhon se ab muamla kya ho
dil pe ab kuchh guzar raha bhi nahin
jaaniye main chala gaya hun kahan
main to KHud se kahin gaya bhi nahin
tu mere dil mein aan ke bas ja
aur tu mere pas aa bhi nahin
Source:
Pakistani Adab (Pg. 415)
- Author: Dr. Rashid Amjad
-
- Edition: 2009
- Publisher: Pakistan Academy of Letters, Islambad, Pakistan
- Year of Publication: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
