jo insan baryab-e-parda-e-asrar ho jae

jo insāñ bāryāb-e-parda-e-asrār ho jaa.e

to is bātil-kade meñ zindagī dushvār ho jaa.e

ye duniyā-e-vafā duniyā-e-be-āzār ho jaa.e

mujhī par kyuuñ na takmīl-e-jafā-e-yār ho jaa.e

jo zulmat meñ bhī tanvīr-e-haqīqat dekhnā chāhe

vo merī tarah pichhlī raat se bedār ho jaa.e

ġhurūr-e-husn bhī mere liye juzv-e-adā dā.ere

mirā ehsās bhī tere liye pindār ho jaa.e

ġham-e-pinhāñ se dam ghuTtā hai ai 'sīmāb' kyā kahiye

ḳhudā aisā kare ye qābil-e-iz.hār ho jaa.e

jo insan baryab-e-parda-e-asrar ho jae

to is baatil-kade mein zindagi dushwar ho jae

ye duniya-e-wafa duniya-e-be-azar ho jae

mujhi par kyun na takmil-e-jafa-e-yar ho jae

jo zulmat mein bhi tanwir-e-haqiqat dekhna chahe

wo meri tarah pichhli raat se bedar ho jae

ghurur-e-husn bhi mere liye juzw-e-ada daere

mera ehsas bhi tere liye pindar ho jae

gham-e-pinhan se dam ghuTta hai ai 'simab' kya kahiye

KHuda aisa kare ye qabil-e-izhaar ho jae