jo is tarah liye phirta hai jaan hatheli par

jo is tarah liye phirtā hai jaañ hathelī par

vo dekhnā kabhī jaañ se guzar hī jā.egā

ḳhayāl hai koī uḌtā huā parind nahīñ

jahāñ bhī jā.egā be-bāl-o-par hī jā.egā

ye āsmāñ jo azal se sivā rahe mujh par

ye bojh bhī kahīñ sar se utar hī jā.egā

maiñ us kā chāhne vaalā huuñ koī ġhair nahīñ

vo mere sāmne aa kar nikhar hī jā.egā

vo kab kahegā ki maiñ ne lagā.ī thī ye aag

vo jab bhī sāmnā hogā mukar hī jā.egā

khilā huā hai nazar meñ gul-e-ḳhayāl koī

'ḳhalīl' aañkh jo jhapkī bikhar hī jā.egā

jo is tarah liye phirta hai jaan hatheli par

wo dekhna kabhi jaan se guzar hi jaega

KHayal hai koi uDta hua parind nahin

jahan bhi jaega be-baal-o-par hi jaega

ye aasman jo azal se siwa rahe mujh par

ye bojh bhi kahin sar se utar hi jaega

main us ka chahne wala hun koi ghair nahin

wo mere samne aa kar nikhar hi jaega

wo kab kahega ki main ne lagai thi ye aag

wo jab bhi samna hoga mukar hi jaega

khila hua hai nazar mein gul-e-KHayal koi

'KHalil' aankh jo jhapki bikhar hi jaega