jo mere dil meñ sahv tirī yaad se huā
naam us kā mahv ālam-e-ījād se huā
barbād ḳhāk-e-dil hai to ehsān-e-husn kyā
maiñ sar-buland ishq kī uftād se huā
aise bhī haiñ ki jin ko rihā.ī kī fikr hai
sharminda maiñ to zahmat-e-sayyād se huā
nāqūs aur azaañ kī binā ishq se paḌī
fariyād kā chalan mirī fariyād se huā
ishq-o-havas ne mil ke banā.ī hai bazm-e-husn
ye ittihād majma-e-azdād se huā
duniyā-e-be-sabāt kā qissa thā muḳhtasar
tuul itnā merī qaid kī mī.ād se huā
jo mere dil mein sahw teri yaad se hua
nam us ka mahw aalam-e-ijad se hua
barbaad KHak-e-dil hai to ehsan-e-husn kya
main sar-buland ishq ki uftad se hua
aise bhi hain ki jin ko rihai ki fikr hai
sharminda main to zahmat-e-sayyaad se hua
naqus aur azan ki bina ishq se paDi
fariyaad ka chalan meri fariyaad se hua
ishq-o-hawas ne mil ke banai hai bazm-e-husn
ye ittihad majma-e-azdad se hua
duniya-e-be-sabaat ka qissa tha muKHtasar
tul itna meri qaid ki miad se hua
Source:
Rooh-e-Ghazal,Pachas Sala Intekhab (Pg. 133)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.