jo murġh-e-qibla-numā ban ke āshiyāñ se chale
taḌap taḌap ke vahīñ rah ga.e jahāñ se chale
jigar shigāf ho yā dil ho chaak vahshat se
junūñ meñ jāma-e-tan dekhiye kahāñ se chale
jo mar ke reg-e-ravāñ bhī bane za.īfī meñ
yahāñ pe rah ga.e ham nā-tavāñ vahāñ se chale
sabāt-e-jāma-e-hastī ho ḳhaak piirī meñ
jo pairahan ho purānā bahut kahāñ se chale
vahāñ se aa.e akele the nā-murādāna
hazār hasrat-o-armāñ liye yahāñ se chale
mirā tirā kī tarah 'shād' ye bhī iitā hai
ye qāfiya na nahīñ se chale na haañ se chale
jo murgh-e-qibla-numa ban ke aashiyan se chale
taDap taDap ke wahin rah gae jahan se chale
jigar shigaf ho ya dil ho chaak wahshat se
junun mein jama-e-tan dekhiye kahan se chale
jo mar ke reg-e-rawan bhi bane zaifi mein
yahan pe rah gae hum na-tawan wahan se chale
sabaat-e-jama-e-hasti ho KHak piri mein
jo pairahan ho purana bahut kahan se chale
wahan se aae akele the na-muradana
hazar hasrat-o-arman liye yahan se chale
mera tera ki tarah 'shad' ye bhi ita hai
ye qafiya na nahin se chale na han se chale
Source:
Sukhan-e-Bemisal: Deewan-e-Shad (pdf) and website (Pg. p-113 e-119 pdf-120)
-
Author:
Shad Lakhnavi
-
- Edition: 1901
- Publisher: Matbaa Tasweer-e- Alam, Lucknow
- Year of Publication: 1901
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.