jo palkon par meri Thahra hua hai
jo palkoñ par mirī Thahrā huā hai
vo aañsū ḳhuun meñ Duubā huā hai
farishte ḳhvān le kar aa rahe haiñ
sahīfa taaq meñ rakkhā huā hai
koī anhonī shāyad ho ga.ī phir
ġhubār-e-kārvāñ Thahrā huā hai
kisī kī ḳhvāhisheñ pā-basta kar ke
ye kab sochā haram rusvā huā hai
vo ik lamha jo tere vasl kā thā
bayāz-e-hijr par likkhā huā hai
mujhe bhī ho gayā irfān-e-zāt ab
muqābil aa.ina rakkhā huā hai
ayādat karne sab aa.e haiñ 'aḳhtar'
tirā chehra magar utrā huā hai
jo palkon par meri Thahra hua hai
wo aansu KHun mein Duba hua hai
farishte KHwan le kar aa rahe hain
sahifa taq mein rakkha hua hai
koi anhoni shayad ho gai phir
ghubar-e-karwan Thahra hua hai
kisi ki KHwahishen pa-basta kar ke
ye kab socha haram ruswa hua hai
wo ek lamha jo tere wasl ka tha
bayaz-e-hijr par likkha hua hai
mujhe bhi ho gaya irfan-e-zat ab
muqabil aaina rakkha hua hai
ayaadat karne sab aae hain 'aKHtar'
tera chehra magar utra hua hai
Source:
Rooh-e-Ghazal,Pachas Sala Intekhab (Pg. 552)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
