jo tum pe harf bhi aae to apna sar denge

jo tum pe harf bhī aa.e to apnā sar deñge

tumhāre log hameñ qatl bhī to kar deñge

tire ḳhutūt kī daulat to sauñp dī tujh ko

ye jī meñ hai ki tujhe azmat-e-hunar deñge

paḌhī hai us ne kahānī mirī risāle meñ

ab is pe log risāle bhī band kar deñge

use pukāro kahīñ dil meñ chhup gayā hai vo

ye ghar usī kā hai ham us ko saarā ghar deñge

dhaḌak rahā hai dil-e-bāġhbāñ bhī ġhunchoñ meñ

ye phuul to tirī zulfoñ meñ bhī sharar deñge

yahī samajh ke baḌe mutma.in haiñ dīvāne

qafas khulā hai to sayyād bāl-o-par deñge

vafā kī raah meñ ham uTh ga.e to tum hī kaho

vo kaun hoñge jo har sar ko sañg-e-dar deñge

jo tum pe harf bhi aae to apna sar denge

tumhaare log hamein qatl bhi to kar denge

tere KHutut ki daulat to saunp di tujh ko

ye ji mein hai ki tujhe azmat-e-hunar denge

paDhi hai us ne kahani meri risale mein

ab is pe log risale bhi band kar denge

use pukaro kahin dil mein chhup gaya hai wo

ye ghar usi ka hai hum us ko sara ghar denge

dhaDak raha hai dil-e-baghban bhi ghunchon mein

ye phul to teri zulfon mein bhi sharar denge

yahi samajh ke baDe mutmain hain diwane

qafas khula hai to sayyaad baal-o-par denge

wafa ki rah mein hum uTh gae to tum hi kaho

wo kaun honge jo har sar ko sang-e-dar denge