jo zehn-o-dil ke zahrile bahut hain
jo zehn-o-dil ke zahrīle bahut haiñ
vahī bātoñ ke bhī mīThe bahut haiñ
chalo ahl-e-junūñ ke saath ho leñ
yahāñ ahl-e-ḳhirad saste bahut haiñ
mirī be-chehragī par hañsne vaalo
tumhāre aa.ine dhuñdle bahut haiñ
zarā yādoñ ke hī patthar uchhālo
navāh-e-jāñ meñ sannāTe bahut haiñ
tirī bālā-qadī badnām hogī
yahāñ ke bām-o-dar nīche bahut haiñ
shajar be-sāya haiñ sūraj barahna
magar ham azm ke pakke bahut haiñ
karo ab fat.h kā elaan 'aḳhtar'
saroñ se surḳh-rū neze bahut haiñ
jo zehn-o-dil ke zahrile bahut hain
wahi baaton ke bhi miThe bahut hain
chalo ahl-e-junun ke sath ho len
yahan ahl-e-KHirad saste bahut hain
meri be-chehragi par hansne walo
tumhaare aaine dhundle bahut hain
zara yaadon ke hi patthar uchhaalo
nawah-e-jaan mein sannaTe bahut hain
teri baala-qadi badnam hogi
yahan ke baam-o-dar niche bahut hain
shajar be-saya hain suraj barahna
magar hum azm ke pakke bahut hain
karo ab fath ka elan 'aKHtar'
saron se surKH-ru neze bahut hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
