joñ sabza rahe ugte hī pairoñ ke tale ham
barsāt ke mausam meñ bhī phūle na phale ham
mahrūm-e-chaman murġh-e-qafas band-e-azal haiñ
sayyād ke piñjre meñ haiñ bachpan se pale ham
jab ġhair se hotā hai vo saffāk baġhal-gīr
teġh-e-safhānī ko lagāte haiñ gale ham
chakkī kī tarah charḳh ne piisā to hamīñ ko
daanā haiñ zamāne ke ga.e us se valī ham
ye shauq-e-shahādat hai jo teġh us ne 'alam kī
gardan ko jhukā.e hue sayyād chale ham
vo mast haiñ jab dar pe aḌe pīr-e-muġhāñ ke
be-mai ke piye phir nahīñ Taale se Tale ham
abrū kī havā bhī na lagī bul-havasoñ ko
us teġh kī roz aañch meñ be-āb jale ham
kuchh ġham nahīñ but samjheñ bad-o-nek jo chāheñ
allāh ke bande haiñ bure haiñ ki bhale ham
jon sabza rahe ugte hi pairon ke tale hum
barsat ke mausam mein bhi phule na phale hum
mahrum-e-chaman murgh-e-qafas band-e-azal hain
sayyaad ke pinjre mein hain bachpan se pale hum
jab ghair se hota hai wo saffak baghal-gir
tegh-e-safhani ko lagate hain gale hum
chakki ki tarah charKH ne pisa to hamin ko
dana hain zamane ke gae us se wali hum
ye shauq-e-shahadat hai jo tegh us ne 'alam ki
gardan ko jhukae hue sayyaad chale hum
wo mast hain jab dar pe aDe pir-e-mughan ke
be-mai ke piye phir nahin Tale se Tale hum
abru ki hawa bhi na lagi bul-hawason ko
us tegh ki roz aanch mein be-ab jale hum
kuchh gham nahin but samjhen bad-o-nek jo chahen
allah ke bande hain bure hain ki bhale hum
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
