aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

waqt ka jhonka jo sab patte uDa kar le gaya

Arsh Siddiqui

waqt ka jhonka jo sab patte uDa kar le gaya

Arsh Siddiqui

MORE BYArsh Siddiqui

    vaqt jhoñkā jo sab patte uḌā kar le gayā

    kyuuñ na mujh ko bhī tire dar se uThā kar le gayā

    raat apne chāhne vāloñ pe thā vo mehrbāñ

    maiñ na jaatā thā magar vo mujh ko aa kar le gayā

    ek sail-e-be-amāñ jo āsiyoñ ko thā sazā

    nek logoñ ke gharoñ ko bhī bahā kar le gayā

    maiñ ne darvāza na rakkhā thā ki Dartā thā magar

    ghar sarmāya vo dīvāreñ girā kar le gayā

    vo ayādat ko to aayā thā magar jaate hue

    apnī tasvīreñ bhī kamre se uThā kar le gayā

    maiñ jise barsoñ chāhat se na hāsil kar sakā

    ek ham-sāya use kal varġhalā kar le gayā

    saj rahī thī jins jo bāzār meñ ik umr se

    kal use ik shaḳhs pardoñ meñ chhupā kar le gayā

    maiñ khaḌā fōtpath par kartā rahā rickshaw talāsh

    merā dushman us ko motor meñ biThā kar le gayā

    so rahā huuñ meñ liye ḳhālī lifāfa haath meñ

    us meñ jo mazmūñ thā vo qāsid churā kar le gayā

    raqs ke vaqfe meñ jab karne ko thā maiñ arz-e-shauq

    koī us ko mere pahlū se uThā kar le gayā

    ai azāb-e-dostī mujh ko batā mere sivā

    kaun thā jo tujh ko siine se lagā kar le gayā

    mehrbāñ kaise kahūñ maiñ 'arsh' us bedard ko

    nuur āñkhoñ jo ik jalva dikhā kar le gayā

    waqt ka jhonka jo sab patte uDa kar le gaya

    kyun na mujh ko bhi tere dar se uTha kar le gaya

    raat apne chahne walon pe tha wo mehrban

    main na jata tha magar wo mujh ko aa kar le gaya

    ek sail-e-be-aman jo aasiyon ko tha saza

    nek logon ke gharon ko bhi baha kar le gaya

    main ne darwaza na rakkha tha ki Darta tha magar

    ghar ka sarmaya wo diwaren gira kar le gaya

    wo ayaadat ko to aaya tha magar jate hue

    apni taswiren bhi kamre se uTha kar le gaya

    main jise barson ki chahat se na hasil kar saka

    ek ham-saya use kal warghala kar le gaya

    saj rahi thi jins jo bazar mein ek umr se

    kal use ek shaKHs pardon mein chhupa kar le gaya

    main khaDa footpath par karta raha rickshaw talash

    mera dushman us ko motor mein biTha kar le gaya

    so raha hun mein liye KHali lifafa hath mein

    us mein jo mazmun tha wo qasid chura kar le gaya

    raqs ke waqfe mein jab karne ko tha main arz-e-shauq

    koi us ko mere pahlu se uTha kar le gaya

    ai azab-e-dosti mujh ko bata mere siwa

    kaun tha jo tujh ko sine se laga kar le gaya

    mehrban kaise kahun main 'arsh' us bedard ko

    nur aankhon ka jo ek jalwa dikha kar le gaya

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now