junun-awar shab-e-mahtab thi pi ki tamanna mein

junūñ-āvar shab-e-mahtāb thī pī kī tamannā meñ

ki bah kar rail meñ ashkoñ ke ham the sair-e-dariyā meñ

hamārī ḳhaak par āhista Thokar maar ai zālim

mabādā shīsha-e-dil TuuT chubh jaave tire pā meñ

tumhāre ābla-pāoñ ko jañgal yaad kartā hai

lahū har ḳhaar se Tapke hai ab lag dast-e-saudā meñ

ba-kaifiyyat thā az-bas raat mazkūr us kī āñkhoñ kā

bharī thī bū-e-nargis yak-qalam har jām-e-sahbā meñ

ġhubār-e-āh-e-tūfāñ se chhupī hai ḳhaak meñ bastī

ye 'uzlat' shahr meñ thā jā rahā nāgāh sahrā meñ

junun-awar shab-e-mahtab thi pi ki tamanna mein

ki bah kar rail mein ashkon ke hum the sair-e-dariya mein

hamari KHak par aahista Thokar mar ai zalim

mabaada shisha-e-dil TuT chubh jawe tere pa mein

tumhaare aabla-paon ko jangal yaad karta hai

lahu har KHar se Tapke hai ab lag dast-e-sauda mein

ba-kaifiyyat tha az-bas raat mazkur us ki aankhon ka

bhari thi bu-e-nargis yak-qalam har jam-e-sahba mein

ghubar-e-ah-e-tufan se chhupi hai KHak mein basti

ye 'uzlat' shahr mein tha ja raha nagah sahra mein