aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

junun hi ke alam-bardar the hum

Ankit Aab

junun hi ke alam-bardar the hum

Ankit Aab

MORE BYAnkit Aab

    junūñ ke alam-bardār the ham

    so duniyā ke liye bekār the ham

    kisī raah meñ haa.el hue the

    kisī ko sāya-e-dīvār the ham

    pahuñch meñ the hamārī chāñd sūraj

    magar jugnū ke pairokār the ham

    hameñ taqrīr karnā bhī thā lāzim

    aur us par sāhib-e-kirdār the ham

    baġhāvat to hamāre ḳhuun meñ thī

    ki ik jur.at paidāvār the ham

    azān-e-ishq hotī thī jahāñ se

    usī masjid ik mīnār the ham

    tirī qurbat hameñ hāsil nahīñ thī

    tirī furqat ke to haqdār the ham

    muḳhālif ho ga.e nārāz to kyā

    natīje ke liye tayyār the ham

    junun hi ke alam-bardar the hum

    so duniya ke liye bekar the hum

    kisi ki rah mein hael hue the

    kisi ko saya-e-diwar the hum

    pahunch mein the hamari chand suraj

    magar jugnu ke pairokar the hum

    hamein taqrir karna bhi tha lazim

    aur us par sahib-e-kirdar the hum

    baghawat to hamare KHun mein thi

    ki ek jurat ki paidawar the hum

    azan-e-ishq hoti thi jahan se

    usi masjid ki ek minar the hum

    teri qurbat hamein hasil nahin thi

    teri furqat ke to haqdar the hum

    muKHalif ho gae naraaz to kya

    natije ke liye tayyar the hum

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now