cockroachon makDiyon ki fasl aa kar tu bhi dekh

cockroachoñ makḌiyoñ kī fasl aa kar tū bhī dekh

'umr-bhar dekhā jo maiñ ne vo ghaḌī-bhar tū bhī dekh

ik musalsal be-vaqūfī kā ‘amal hai zindagī

mere hisse meñ jo aayā vo muqaddar tū bhī dekh

dūsre ke tajrabe par TeḌhī buniyādeñ na rakh

bulb ko apnī hathelī se pichak kar tū bhī dekh

ḳhvāhisheñ kīḌe-makoḌoñ kī tarah marne lagīñ

ḳhud-kushī kī vārdātoñ kā ye manzar tū bhī dekh

dekh andar kī ragaḌ kitnī aziyyat-nāk hai

tañg kā bosī ḳhalāoñ meñ utar kar tū bhī dekh

cockroachon makDiyon ki fasl aa kar tu bhi dekh

'umr-bhar dekha jo main ne wo ghaDi-bhar tu bhi dekh

ek musalsal be-waqufi ka ‘amal hai zindagi

mere hisse mein jo aaya wo muqaddar tu bhi dekh

dusre ke tajrabe par TeDhi buniyaaden na rakh

bulb ko apni hatheli se pichak kar tu bhi dekh

KHwahishen kiDe-makoDon ki tarah marne lagin

KHud-kushi ki wardaton ka ye manzar tu bhi dekh

dekh andar ki ragaD kitni aziyyat-nak hai

tang ka bosi KHalaon mein utar kar tu bhi dekh