kaam aasan hai magar dekhiye dushwar bhi hai
kaam āsāñ hai magar dekhiye dushvār bhī hai
aage darvāze ke rakkhī huī dīvār bhī hai
dene vaale se mujhe koī shikāyat kyuuñ hai
raah meñ dhuup bhī hai sāya-e-ashjār bhī hai
qatl kar ke jo mujhe saa.e meñ pheñk aayā hai
log kahte haiñ vahī merā taraf-dār bhī hai
tujh ko bas apnī hī tasvīr nazar aatī hai
aa.ine meñ kahīñ hairat kahīñ zañgār bhī hai
kyuuñ bhalā vaqt kā nuqsān karoge pyāre
jo yahāñ ab hai tamāshā vahī us paar bhī hai
mere aabā se mujhe kyā na milā hai 'hamdam'
taaq meñ dekhiye mus.haf bhī hai talvār bhī hai
kaam aasan hai magar dekhiye dushwar bhi hai
aage darwaze ke rakkhi hui diwar bhi hai
dene wale se mujhe koi shikayat kyun hai
rah mein dhup bhi hai saya-e-ashjar bhi hai
qatl kar ke jo mujhe sae mein phenk aaya hai
log kahte hain wahi mera taraf-dar bhi hai
tujh ko bas apni hi taswir nazar aati hai
aaine mein kahin hairat kahin zangar bhi hai
kyun bhala waqt ka nuqsan karoge pyare
jo yahan ab hai tamasha wahi us par bhi hai
mere aaba se mujhe kya na mila hai 'hamdam'
taq mein dekhiye mushaf bhi hai talwar bhi hai
Source:
Waraq-e-saadah (Gazals) (Pg. 89)
- Author: Hamdam Kashmiri
-
- Edition: 2012
- Publisher: Hamdam Kashmiri, Khan Mahel, Shrinagar
- Year of Publication: 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
