kaam sab ghair-zaruri hain jo sab karte hain

kaam sab ġhair-zarūrī haiñ jo sab karte haiñ

aur ham kuchh nahīñ karte haiñ ġhazab karte haiñ

aap kī nazroñ meñ sūraj kī hai jitnī azmat

ham charāġhoñ kā bhī utnā hī adab karte haiñ

ham pe hākim kā koī hukm nahīñ chaltā hai

ham qalandar haiñ shahanshāh laqab karte haiñ

dekhiye jis ko use dhun hai masīhā.ī kī

aaj kal shahr ke bīmār matab karte haiñ

ḳhud ko patthar sā banā rakkhā hai kuchh logoñ ne

bol sakte haiñ magar baat hī kab karte haiñ

ek ik pal ko kitāboñ kī tarah paḌhne lage

umr bhar jo na kiyā ham ne vo ab karte haiñ

kaam sab ghair-zaruri hain jo sab karte hain

aur hum kuchh nahin karte hain ghazab karte hain

aap ki nazron mein suraj ki hai jitni azmat

hum charaghon ka bhi utna hi adab karte hain

hum pe hakim ka koi hukm nahin chalta hai

hum qalandar hain shahanshah laqab karte hain

dekhiye jis ko use dhun hai masihai ki

aaj kal shahr ke bimar matab karte hain

KHud ko patthar sa bana rakkha hai kuchh logon ne

bol sakte hain magar baat hi kab karte hain

ek ek pal ko kitabon ki tarah paDhne lage

umr bhar jo na kiya hum ne wo ab karte hain