kasa-leson ne jo thi nazr utari teri

kāsa-lesoñ ne jo thī nazr utārī terī

vahī le Duubī tujhe hasht-hazārī terī

pūchhā jā.egā daur-e-humāyūnī kā

rū-ba-kār aaj hai sarkār se jaarī terī

us kā dīdār hama-vaqt ibādat merī

aañkh ne dil pe jo tasvīr utārī terī

ham ne har samt bichhā rakkhī haiñ āñkheñ apnī

jaane kis samt se aa jaa.e savārī terī

tark-e-ulfat kā irāda hai musammam us kā

kaam aa.ī hī nahīñ minnat-o-zārī terī

zarb-e-paiham kā tasalsul na abhī toḌ 'sadīd'

ik na.ī zarb bhī ho saktī hai kaarī terī

kasa-leson ne jo thi nazr utari teri

wahi le Dubi tujhe hasht-hazari teri

puchha jaega daur-e-humayuni ka

ru-ba-kar aaj hai sarkar se jari teri

us ka didar hama-waqt ibaadat meri

aankh ne dil pe jo taswir utari teri

hum ne har samt bichha rakkhi hain aankhen apni

jaane kis samt se aa jae sawari teri

tark-e-ulfat ka irada hai musammam us ka

kaam aai hi nahin minnat-o-zari teri

zarb-e-paiham ka tasalsul na abhi toD 'sadid'

ek nai zarb bhi ho sakti hai kari teri