kab faraghat thi gham-e-subh-o-masa se mujhko

kab farāġhat thī ġham-e-sub.h-o-masā se mujh ko

roz o shab kaam rahā āh-o-bukā se mujh ko

pās-e-ḳhātir se na dushman ke sitam kar mujh par

khelnā aatā hai ai dost qazā se mujh ko

haa.e 'ālam shab-e-furqat mirī māyūsī kā

detī hai maut kī ummīd dilāse mujh ko

thā tirī fitna-ḳhirāmī se 'ayāñ dil kā ma.aal

bū-e-ḳhūñ aatī hai naqsh-e-kaf-e-pā se mujh ko

ai 'vafā' mausam-e-vahshat bhī hai kyā mausam-e-gul

kyuuñ bachāte haiñ gulistāñ kī havā se mujh ko

kab faraghat thi gham-e-subh-o-masa se mujh ko

roz o shab kaam raha aah-o-buka se mujh ko

pas-e-KHatir se na dushman ke sitam kar mujh par

khelna aata hai ai dost qaza se mujh ko

hae 'alam shab-e-furqat meri mayusi ka

deti hai maut ki ummid dilase mujh ko

tha teri fitna-KHirami se 'ayan dil ka maal

bu-e-KHun aati hai naqsh-e-kaf-e-pa se mujh ko

ai 'wafa' mausam-e-wahshat bhi hai kya mausam-e-gul

kyun bachate hain gulistan ki hawa se mujh ko