kab talak hum ko na aawega nazar dekhen to

Hasrat Azimabadi

kab talak hum ko na aawega nazar dekhen to

Hasrat Azimabadi

MORE BYHasrat Azimabadi

    kab talak ham ko na āvegā nazar dekheñ to

    kaise tarsātā hai ye dīda-e-tar dekheñ to

    ishq meñ us ke ki guzre haiñ sar o jaan se ham

    apnī kis taur se hotī hai guzar dekheñ to

    kar ke vo jaur-o-sitam hañs ke lagā ye kahne

    aah o afġhāñ tirī ham bhī asar dekheñ to

    sabr ho saktā hai kab ham se vale maslahatan

    āzmā.ish dil-e-betāb kar dekheñ to

    Dhab chaḌhe ho mire tum aaj to muddat baad

    jā.eñge aap kahāñ aur kidhar dekheñ to

    kis dilerī se kare hai fidā jaan us par

    dil-e-jāñ-bāz tirā ham bhī hunar dekheñ to

    kyā majāl apnī jo kuchh kah sakeñ ham tujh se aur

    tujh ko bhar kar nazar ai shoḳh pisar dekheñ to

    ho chalīñ ḳhīra to aḳhtar-shumarī se āñkheñ

    shab hamārī bhī kabhī hogī sahar dekheñ to

    ishq ke sadme uThāne nahīñ āsāñ 'hasrat'

    kar sake koī hamārā jigar dekheñ to

    kab talak hum ko na aawega nazar dekhen to

    kaise tarsata hai ye dida-e-tar dekhen to

    ishq mein us ke ki guzre hain sar o jaan se hum

    apni kis taur se hoti hai guzar dekhen to

    kar ke wo jaur-o-sitam hans ke laga ye kahne

    aah o afghan ka teri hum bhi asar dekhen to

    sabr ho sakta hai kab hum se wale maslahatan

    aazmaish dil-e-betab ki kar dekhen to

    Dhab chaDhe ho mere tum aaj hi to muddat baad

    jaenge aap kahan aur kidhar dekhen to

    kis dileri se kare hai tu fida jaan us par

    dil-e-jaan-baz tera hum bhi hunar dekhen to

    kya majal apni jo kuchh kah saken hum tujh se aur

    tujh ko bhar kar nazar ai shoKH pisar dekhen to

    ho chalin KHira to aKHtar-shumari se aankhen

    shab hamari bhi kabhi hogi sahar dekhen to

    ishq ke sadme uThane nahin aasan 'hasrat'

    kar sake koi hamara sa jigar dekhen to

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY