kab talak yun dhup chhanw ka tamasha dekhna
kab talak yuuñ dhuup chhāñv kā tamāshā dekhnā
dhuup meñ phirnā ghane peḌoñ kā saayā dekhnā
saath us ke koī manzar koī pas-e-manzar na ho
is tarah maiñ chāhtā huuñ us ko tanhā dekhnā
raat apne dīda-e-giryāñ kā nazzāra kiyā
kis se pūchheñ ḳhvāb meñ kaisā hai dariyā dekhnā
is ghaḌī kuchh sūjhne degī na ye pāgal havā
ik zarā āñdhī guzar jaa.e to huliya dekhnā
khul ke ro lene kī fursat phir na us ko mil sakī
aaj phir 'anvar' hañsegā be-tahāshā dekhnā
kab talak yun dhup chhanw ka tamasha dekhna
dhup mein phirna ghane peDon ka saya dekhna
sath us ke koi manzar koi pas-e-manzar na ho
is tarah main chahta hun us ko tanha dekhna
raat apne dida-e-giryan ka nazzara kiya
kis se puchhen KHwab mein kaisa hai dariya dekhna
is ghaDi kuchh sujhne degi na ye pagal hawa
ek zara aandhi guzar jae to huliya dekhna
khul ke ro lene ki fursat phir na us ko mil saki
aaj phir 'anwar' hansega be-tahasha dekhna
Source:
ik daraicha ik chirag (Pg. 42)
- Author: ANWAR MASOOD
-
- Edition: 2008
- Publisher: Dost Publications
- Year of Publication: 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
