kabhī harīf kabhī ham-navā hamīñ Thahre
ki dushmanoñ ke bhī mushkil-kushā hamīñ Thahre
kisī ne raah kā patthar hamīñ ko Thahrāyā
ye aur baat ki phir ā.īna hamīñ Thahre
jo āzmāyā gayā shahr ke faqīroñ ko
to jāñ-nisār-e-tarīq-e-anā hamīñ Thahre
hamīñ ḳhudā ke sipāhī hamīñ muhājir bhī
the haq-shanās to phir rahnumā hamīñ Thahre
diloñ pe qaul-o-amal ke vo naqsh chhoḌe haiñ
ki peshvāoñ ke bhī peshvā hamīñ Thahre
'farāġh' ran meñ kabhī ham ne muñh nahīñ moḌā
maqām-e-ishq se bhī āshnā hamīñ Thahre
kabhi harif kabhi ham-nawa hamin Thahre
ki dushmanon ke bhi mushkil-kusha hamin Thahre
kisi ne rah ka patthar hamin ko Thahraya
ye aur baat ki phir aaina hamin Thahre
jo aazmaya gaya shahr ke faqiron ko
to jaan-nisar-e-tariq-e-ana hamin Thahre
hamin KHuda ke sipahi hamin muhajir bhi
the haq-shanas to phir rahnuma hamin Thahre
dilon pe qaul-o-amal ke wo naqsh chhoDe hain
ki peshwaon ke bhi peshwa hamin Thahre
'faragh' ran mein kabhi hum ne munh nahin moDa
maqam-e-ishq se bhi aashna hamin Thahre
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
