kabhi iman ki baaten kabhi kirdar ki baaten

kabhī īmān kī bāteñ kabhī kirdār kī bāteñ

chalo chhoḌo haTo karne lage bekār kī bāteñ

batāne lag ga.ī haiñ asl qātil ko masīhā ye

bharose ke kahāñ qābil rahīñ aḳhbār kī bāteñ

na jaane kitne hī rishtoñ ko be-ghar kar chukī haiñ ye

hamāre ghar kī chaukhaT pe khaḌī bāzār kī bāteñ

tamāmī nafratoñ par guftugū kī umr bhar ab to

chalo aao kareñ thoḌī vafā-o-pyār kī bāteñ

kabhi iman ki baaten kabhi kirdar ki baaten

chalo chhoDo haTo karne lage bekar ki baaten

batane lag gai hain asl qatil ko masiha ye

bharose ke kahan qabil rahin aKHbar ki baaten

na jaane kitne hi rishton ko be-ghar kar chuki hain ye

hamare ghar ki chaukhaT pe khaDi bazar ki baaten

tamami nafraton par guftugu ki umr bhar ab to

chalo aao karen thoDi wafa-o-pyar ki baaten