kabhi iqrar karta hai kabhi inkar karta hai

kabhī iqrār kartā hai kabhī inkār kartā hai

mohabbat kā vo mujh se is tarah iz.hār kartā hai

mere ḳhvāboñ meñ aa kar chhīn letā hai sukūñ merā

ye kaisā dost hai jiinā mirā dushvār kartā hai

kabhī bhī sāmne se dū-badū hotā nahīñ zālim

ajab buzdil hai har dam fāsle se vaar kartā hai

bichhātā hai jo kāñTe dūsroñ kī raah meñ har dam

haqīqat meñ vo apnī raah ḳhud pur-ḳhār kartā hai

nibāhegā zamāne se vo kaise rasm-e-ulfat ko

jo apnī kaj-adā.ī se hameñ bezār kartā hai

gunāhoñ meñ chhupā rakkhī hai us ne kis qadar lazzat

nahīñ karnā hai jis ko dil use sau baar kartā hai

'majīd' ab dil lagānā bhī nahīñ aatā hai logoñ ko

jise dekho vahī ulfat meñ kārobār kartā hai

kabhi iqrar karta hai kabhi inkar karta hai

mohabbat ka wo mujh se is tarah izhaar karta hai

mere KHwabon mein aa kar chhin leta hai sukun mera

ye kaisa dost hai jina mera dushwar karta hai

kabhi bhi samne se du-badu hota nahin zalim

ajab buzdil hai har dam fasle se war karta hai

bichhata hai jo kanTe dusron ki rah mein har dam

haqiqat mein wo apni rah KHud pur-KHar karta hai

nibahega zamane se wo kaise rasm-e-ulfat ko

jo apni kaj-adai se hamein bezar karta hai

gunahon mein chhupa rakkhi hai us ne kis qadar lazzat

nahin karna hai jis ko dil use sau bar karta hai

'majid' ab dil lagana bhi nahin aata hai logon ko

jise dekho wahi ulfat mein karobar karta hai