kabhi zaban kabhi nazar kabhi hain kan ungliyan

kabhī zabāñ kabhī nazar kabhī haiñ kaan uñgliyāñ

ka.ī zabāneñ boltī haiñ be-zabān uñgliyāñ

ye merā dil ye tiir aur ye dhān-pān uñgliyāñ

chaTaḳh na jaa.eñ khīñchte hue kamān uñgliyāñ

tamām 'umr ke liye mirī zabān le ga.iiñ

laboñ pe chhoḌ kar ga.ī haiñ vo nishān uñgliyāñ

ḳhamoshiyāñ laboñ pe koī sabt kar gayā to kyā

raqam kareñgī harf-harf dāstān uñgliyāñ

vo Thokareñ lagīñ ki ḳhaak muTThiyoñ meñ aa ga.ī

uThā.e phir rahī thiiñ sar pe āsmān uñgliyāñ

kahīñ parinde lā rahe the āsmān kī ḳhabar

kahīñ paroñ se nochtī rahīñ uḌaan uñgliyāñ

vo bāñdh kar chalā gayā saf-e-tazād-e-bāhamī

ye jang kī sañbhālne lagīñ kamān uñgliyāñ

'ajīb nashsha chhoḌ kar ga.iiñ mire havās par

vo phuul sī hatheliyāñ vo 'itr-dān uñgliyāñ

maiñ reza-reza TuuT kar bikhar gayā thā ai 'sharar'

sameTtīñ na gar mujhe vo mehrbān uñgliyāñ

kabhi zaban kabhi nazar kabhi hain kan ungliyan

kai zabanen bolti hain be-zaban ungliyan

ye mera dil ye tir aur ye dhan-pan ungliyan

chaTaKH na jaen khinchte hue kaman ungliyan

tamam 'umr ke liye meri zaban le gain

labon pe chhoD kar gai hain wo nishan ungliyan

KHamoshiyan labon pe koi sabt kar gaya to kya

raqam karengi harf-harf dastan ungliyan

wo Thokaren lagin ki KHak muTThiyon mein aa gai

uThae phir rahi thin sar pe aasman ungliyan

kahin parinde la rahe the aasman ki KHabar

kahin paron se nochti rahin uDan ungliyan

wo bandh kar chala gaya saf-e-tazad-e-bahami

ye jang ki sanbhaalne lagin kaman ungliyan

'ajib nashsha chhoD kar gain mere hawas par

wo phul si hatheliyan wo 'itr-dan ungliyan

main reza-reza TuT kar bikhar gaya tha ai 'sharar'

sameTtin na gar mujhe wo mehrban ungliyan