aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kaha jo maine ki yusuf ko ye hijab na tha

Ameer Minai

kaha jo maine ki yusuf ko ye hijab na tha

Ameer Minai

MORE BYAmeer Minai

    kahā jo maiñ ne ki yūsuf ko ye hijāb na thā

    to hañs ke bole vo muñh qābil-e-naqāb na thā

    shab-e-visāl bhī vo shoḳh be-hijāb na thā

    naqāb ulaT ke bhī dekhā to be-naqāb na thā

    lipaT ke chuum liyā muñh miTā diyā un

    nahīñ un ke sivā is ke kuchh javāb na thā

    mire janāze pe ab aate sharm aatī hai

    halāl karne ko baiThe the jab hijāb na thā

    nasīb jaag uThe so ga.e jo paañv mire

    tumhāre kūche se behtar maqām-e-ḳhvāb na thā

    ġhazab kiyā ki ise ne mohtasib toḌā

    are ye dil thā mirā shīsha-e-sharāb na thā

    zamāna vasl meñ letā hai karvaTeñ kyā kyā

    firāq-e-yār ke din ek inqalāb na thā

    tumhīñ ne qatl kiyā hai mujhe jo tante ho

    akele the malak-ul-maut ham-rikāb na thā

    duā-e-tauba bhī ham ne paḌhī to mai kar

    maza ham ko kisī shai be-sharāb na thā

    maiñ rū-e-yār mushtāq ho ke aaya thā

    tire jamāl shaidā to ai naqāb na thā

    bayān jo shab-e-ġham bekasī to kahā

    jigar meñ dard na thā dil meñ iztirāb na thā

    vo baiThe baiThe jo de baiThe qatl-e-ām hukm

    hañsī thī un kisī par koī itaab na thā

    jo laash bhejī thī qāsid bhejte ḳhat bhī

    rasīd vo to mire ḳhat thī javāb na thā

    surūr-e-qatl se thī haath paañv ko jumbish

    vo mujh pe vajd aalam thā iztirāb na thā

    sabāt bahr-e-jahāñ meñ nahīñ kisī ko 'amīr'

    idhar numūd huā aur udhar hubāb na thā

    kaha jo main ne ki yusuf ko ye hijab na tha

    to hans ke bole wo munh qabil-e-naqab na tha

    shab-e-visal bhi wo shoKH be-hijab na tha

    naqab ulaT ke bhi dekha to be-naqab na tha

    lipaT ke chum liya munh miTa diya un ka

    nahin ka un ke siwa is ke kuchh jawab na tha

    mere janaze pe ab aate sharm aati hai

    halal karne ko baiThe the jab hijab na tha

    nasib jag uThe so gae jo panw mere

    tumhaare kuche se behtar maqam-e-KHwab na tha

    ghazab kiya ki ise tu ne mohtasib toDa

    are ye dil tha mera shisha-e-sharab na tha

    zamana wasl mein leta hai karwaTen kya kya

    firaq-e-yar ke din ek inqalab na tha

    tumhin ne qatl kiya hai mujhe jo tante ho

    akele the malak-ul-maut ham-rikab na tha

    dua-e-tauba bhi hum ne paDhi to mai pi kar

    maza hi hum ko kisi shai ka be-sharab na tha

    main ru-e-yar ka mushtaq ho ke aaya tha

    tere jamal ka shaida to ai naqab na tha

    bayan ki jo shab-e-gham ki bekasi to kaha

    jigar mein dard na tha dil mein iztirab na tha

    wo baiThe baiThe jo de baiThe qatl-e-am ka hukm

    hansi thi un ki kisi par koi itab na tha

    jo lash bheji thi qasid ki bhejte KHat bhi

    rasid wo to mere KHat ki thi jawab na tha

    surur-e-qatl se thi hath panw ko jumbish

    wo mujh pe wajd ka aalam tha iztirab na tha

    sabaat bahr-e-jahan mein nahin kisi ko 'amir'

    idhar numud hua aur udhar hubab na tha

    Source:

    Deewan-e-Ameer (Pg. 95)

    • Author: Ameer Minai
      • Publisher: Munshi Nawal Kishor, Lucknow
      • Year of Publication: 1922

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now