kahne lage daraKHt sahaara koi to ho
kahne lage daraḳht sahārā koī to ho
vo dhuup paḌ rahī hai ki saaya koī to ho
sochā thā kaT hī jā.egī tanhā tamām 'umr
lekin tamām 'umr ḳhudārā koī to ho
ik 'umr tujh se mil na sake aur ek 'umr
ye sochte kaTī ki bahāna koī to ho
tanhā.ī is qadar hai ki 'ādat sī ho ga.ī
har vaqt kahte rahnā hamārā koī to ho
kuchh is liye bhī mujh ko mohabbat hai tum se dost
merā koī nahīñ hai tumhārā koī to ho
kamre meñ aaj mere 'alāva koī nahīñ
kamre meñ aaj mere 'alāva koī to ho
kahne lage daraKHt sahaara koi to ho
wo dhup paD rahi hai ki saya koi to ho
socha tha kaT hi jaegi tanha tamam 'umr
lekin tamam 'umr KHudara koi to ho
ek 'umr tujh se mil na sake aur ek 'umr
ye sochte kaTi ki bahana koi to ho
tanhai is qadar hai ki 'adat si ho gai
har waqt kahte rahna hamara koi to ho
kuchh is liye bhi mujh ko mohabbat hai tum se dost
mera koi nahin hai tumhaara koi to ho
kamre mein aaj mere 'alawa koi nahin
kamre mein aaj mere 'alawa koi to ho
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
