kahte ho qayamat ka wo manzar nahin dekha

kahte ho qayāmat kā vo manzar nahīñ dekhā

kyā tum ne koī jaltā huā ghar nahīñ dekhā

āsān to kyā hotī baḌhī aur bhī mushkil

kis kis ko yahāñ ranj kā ḳhūgar nahīñ dekhā

nāseh se kaheñ kyā tirī āñkhoñ kī hikāyat

kam-baḳht ne paimāna-o-sāġhar nahīñ dekhā

baunā nazar aane lagā har shā'ir-e-ḳhud-bīñ

'ġhālib' kī tarah koī qad-āvar nahīñ dekhā

ik baar mile aa ke 'moazzam' se vo jis ne

simTā huā kuuze meñ samundar nahīñ dekhā

kahte ho qayamat ka wo manzar nahin dekha

kya tum ne koi jalta hua ghar nahin dekha

aasan to kya hoti baDhi aur bhi mushkil

kis kis ko yahan ranj ka KHugar nahin dekha

naseh se kahen kya teri aankhon ki hikayat

kam-baKHt ne paimana-o-saghar nahin dekha

bauna nazar aane laga har sha'ir-e-KHud-bin

'ghaalib' ki tarah koi qad-awar nahin dekha

ek bar mile aa ke 'moazzam' se wo jis ne

simTa hua kuze mein samundar nahin dekha