kahti hui ye mujhse hawa-e-sahar gai

kahtī huī ye mujh se havā-e-sahar ga.ī

dasht-e-talab meñ shabnam-e-ehsās mar ga.ī

rakkhā na thā qadam abhī dasht-e-sukūt meñ

āvāz merī apne hī saa.e se Dar ga.ī

maiñ us kā nauha ban ke añdhere meñ ghul gayā

vo ik kiran jo mere liye dar-ba-dar ga.ī

maiñ likh rahā thā phuul kī pattī pe terā naam

kāñTe kī nok sīna-e-gul meñ utar ga.ī

mahfil meñ raat nit-na.e chehroñ ke shor meñ

vo kaun thā ki jis se lipaTne nazar ga.ī

jis se thī ābrū-e-talātum vo mauj bhī

'ḳhālid' kanār-e-ḳhāk pe sar rakh ke mar ga.ī

kahti hui ye mujh se hawa-e-sahar gai

dasht-e-talab mein shabnam-e-ehsas mar gai

rakkha na tha qadam abhi dasht-e-sukut mein

aawaz meri apne hi sae se Dar gai

main us ka nauha ban ke andhere mein ghul gaya

wo ek kiran jo mere liye dar-ba-dar gai

main likh raha tha phul ki patti pe tera nam

kanTe ki nok sina-e-gul mein utar gai

mahfil mein raat nit-nae chehron ke shor mein

wo kaun tha ki jis se lipaTne nazar gai

jis se thi aabru-e-talatum wo mauj bhi

'KHalid' kanar-e-KHak pe sar rakh ke mar gai