aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kai sukhe hue patte hare malum hote hain

Muzaffar Hanfi

kai sukhe hue patte hare malum hote hain

Muzaffar Hanfi

MORE BYMuzaffar Hanfi

    ka.ī sūkhe hue patte hare ma.alūm hote haiñ

    hameñ dekho kahīñ se dil-jale ma.alūm hote haiñ

    mahīnoñ se jo ḳhālī thā vo kamra uTh gayā shāyad

    ye alhaḌ-pan ye māsūmī na.e ma.alūm hote haiñ

    simaT aatī thī kis apnā.iyat ke saath vo kuTiyā

    imārat meñ to ham dubke hue ma.alūm hote haiñ

    ġhamoñ par muskurā lete haiñ lekin muskurā kar ham

    ḳhud apnī nazar meñ chor se ma.alūm hote haiñ

    qadam letī hai baḌh kar os meñ bhīgī huī dhartī

    ye pas-māñda musāfir shahr ke ma.alūm hote haiñ

    baḌhāvā de rahe haiñ muzmahil chehre zardī ko

    tire juuḌe meñ ye ġhunche bure ma.alūm hote haiñ

    batā.eñ kyā ki bechainī baḌhāte haiñ vahī aa kar

    bahut bechain ham jin ke liye ma.alūm hote haiñ

    purānā ho chukā chashme number baḌh gayā shāyad

    sitāre ham ko miTTī ke diye ma.alūm hote haiñ

    sunā ai dosto tum ne ki shā.er haiñ 'muzaffar' bhī

    ba-zāhir aadmī kitne bhale ma.alūm hote haiñ

    kai sukhe hue patte hare malum hote hain

    hamein dekho kahin se dil-jale malum hote hain

    mahinon se jo KHali tha wo kamra uTh gaya shayad

    ye alhaD-pan ye masumi nae malum hote hain

    simaT aati thi kis apnaiyat ke sath wo kuTiya

    imarat mein to hum dubke hue malum hote hain

    ghamon par muskura lete hain lekin muskura kar hum

    KHud apni hi nazar mein chor se malum hote hain

    qadam leti hai baDh kar os mein bhigi hui dharti

    ye pas-manda musafir shahr ke malum hote hain

    baDhawa de rahe hain muzmahil chehre ki zardi ko

    tere juDe mein ye ghunche bure malum hote hain

    bataen kya ki bechaini baDhate hain wahi aa kar

    bahut bechain hum jin ke liye malum hote hain

    purana ho chuka chashme ka number baDh gaya shayad

    sitare hum ko miTTi ke diye malum hote hain

    suna ai dosto tum ne ki shaer hain 'muzaffar' bhi

    ba-zahir aadmi kitne bhale malum hote hain

    Source:

    kamaan (Pg. 220)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now