kal bhi talash-e-rizq mein guzra tamam din

kal bhī talāsh-e-rizq meñ guzrā tamām din

uḌtā phirā fazā meñ parinda tamām din

sochā thā apne saa.e ko dekhūñ to oḌh kar

sūraj ne mujh pe ġhussa utārā tamām din

tanhā.ī kā ḳhayāl qarīb aatā kis liye

maiñ apnā ḳhud sharīk-e-safar thā tamām din

vo lū chalī ki habs ko tarjīh dī ga.ī

kholā nahīñ kisī ne darīcha tamām din

tasvīr-e-yār par na paḌī ġhair kī nazar

sūraj ko apnī jeb meñ rakkhā tamām din

'be-dil' mirī zabāñ mire hoñToñ pe dekh kar

rotā phirā ik abr kā TukḌā tamām din

kal bhi talash-e-rizq mein guzra tamam din

uDta phira faza mein parinda tamam din

socha tha apne sae ko dekhun to oDh kar

suraj ne mujh pe ghussa utara tamam din

tanhai ka KHayal qarib aata kis liye

main apna KHud sharik-e-safar tha tamam din

wo lu chali ki habs ko tarjih di gai

khola nahin kisi ne daricha tamam din

taswir-e-yar par na paDi ghair ki nazar

suraj ko apni jeb mein rakkha tamam din

'be-dil' meri zaban mere honTon pe dekh kar

rota phira ek abr ka TukDa tamam din