kal mai-kade ki jaanib aahang-e-mohtasib hai
kal mai-kade kī jānib āhañg-e-mohtasib hai
darpesh mai-kashoñ ko phir jañg-e-mohtasib hai
hotā hai shīsha-e-dil chuur us kī guftugū se
yārab ye pand-e-nāseh yā sañg-e-mohtasib hai
muñh surḳh ho rahā hai bīm-e-muġhāñ se us kā
jo kuchh hai rañg-e-mīnā so rañg-e-mohtasib hai
az-bas girāñ hai us par miinā se mai kī qulqul
paḌhnā bhī chaar qul kā ab nañg-e-mohtasib hai
hargiz 'baqā' na rahiyo daur-e-falak se ġhāfil
mastoñ kī nit kamīñ meñ sar-chañg-e-mohtasib hai
kal mai-kade ki jaanib aahang-e-mohtasib hai
darpesh mai-kashon ko phir jang-e-mohtasib hai
hota hai shisha-e-dil chur us ki guftugu se
yarab ye pand-e-naseh ya sang-e-mohtasib hai
munh surKH ho raha hai bim-e-mughan se us ka
jo kuchh hai rang-e-mina so rang-e-mohtasib hai
az-bas giran hai us par mina se mai ki qulqul
paDhna bhi chaar qul ka ab nang-e-mohtasib hai
hargiz 'baqa' na rahiyo daur-e-falak se ghafil
maston ki nit kamin mein sar-chang-e-mohtasib hai
Source:
Deewan-e-Baqa (Pg. ebook-60 page-39)
- Author: Khwaja Ahmad Faruqi
-
- Publisher: Shoba-e-Urdu, Delhi University, Delhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
