kanar-e-bahr hai dekhunga mauj-e-ab mein sanp
kanar-e-bahr hai dekhunga mauj-e-ab mein sanp
Shamsur Rahman Faruqi
MORE BYShamsur Rahman Faruqi
kanār-e-bahr hai dekhūñgā mauj-e-āb meñ saañp
ye vaqt vo hai dikhā.ī de har hubāb meñ saañp
vo kaun thā mirā ham-zād tū na thā kal raat
jab us ke naam ko pūchhā kahā javāb meñ saañp
use mazāhir-e-hastī se saḳht ulfat thī
milā vo shaḳhs chhupā.e hue naqāb meñ saañp
guzishta raat mujhe paḌhte vaqt vahm huā
varaq pe harf nahīñ haiñ ye haiñ kitāb meñ saañp
ye Dhaltī raat ye kamre meñ gūñjtā sahrā
umaDtā ḳhauf hai dil meñ ki pech-o-tāb meñ saañp
tamām jalva-e-vahdat hai shaam ho ki sahar
hai jis hisāb meñ sahrā usī hisāb meñ saañp
kanar-e-bahr hai dekhunga mauj-e-ab mein sanp
ye waqt wo hai dikhai de har hubab mein sanp
wo kaun tha mera ham-zad tu na tha kal raat
jab us ke nam ko puchha kaha jawab mein sanp
use mazahir-e-hasti se saKHt ulfat thi
mila wo shaKHs chhupae hue naqab mein sanp
guzishta raat mujhe paDhte waqt wahm hua
waraq pe harf nahin hain ye hain kitab mein sanp
ye Dhalti raat ye kamre mein gunjta sahra
umaDta KHauf hai dil mein ki pech-o-tab mein sanp
tamam jalwa-e-wahdat hai sham ho ki sahar
hai jis hisab mein sahra usi hisab mein sanp
Source:
Ganj e Sokhta (Pg. 84)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
