kar na tū baat jāvedānī kī
intihā tai hai har kahānī kī
bhaap honā to terī qismat hai
ek tasvīr hai tū paanī kī
kuchh taġhayyur se ḳhauf khāte haiñ
kuchh ibādat kareñ ravānī kī
ham pe husn-e-hurūf hai zaa.e.a
ham ziyārat pe hai ma.ānī kī
kyā sahī aur kyā ġhalat hogā
baat hai terī tarjumānī kī
tum karo baat zard pattoñ kī
ham kare baat shāḳh-e-fānī kī
umr se kyā bahār kā lenā
nahīñ muhtāj ye javānī kī
kar na tu baat jawedani ki
intiha tai hai har kahani ki
bhap hona to teri qismat hai
ek taswir hai tu pani ki
kuchh taghayyur se KHauf khate hain
kuchh ibaadat karen rawani ki
hum pe husn-e-huruf hai zaea
hum ziyarat pe hai maani ki
kya sahi aur kya ghalat hoga
baat hai teri tarjumani ki
tum karo baat zard patton ki
hum kare baat shaKH-e-fani ki
umr se kya bahaar ka lena
nahin muhtaj ye jawani ki
Source:
Word File Mail By Salim Saleem
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
