karb ke sahra se guzra jab bhi diwana koi

Imrana Mushtaq Mani

karb ke sahra se guzra jab bhi diwana koi

Imrana Mushtaq Mani

MORE BYImrana Mushtaq Mani

    karb ke sahrā se guzrā jab bhī dīvāna koī

    muskurāyā shāḳh-e-nāzuk par chaman-ḳhāna koī

    mausam-e-barsāt hai aur vajd meñ haiñ lāla-zār

    dushmanoñ ke vaar se chhalkā hai paimāna koī

    raat bhar rotī rahī be-sūd sham-e-ārzū

    jab sar-e-mahfil chalā aayā hai parvāna koī

    ajnabī bastī ke logoñ se zarā nazreñ milā

    mil jā.egā yahāñ bhī jānā-pahchānā koī

    ai dil-e-'mānī' yūñhī manzil kabhī miltī nahīñ

    rāh-e-ulfat meñ diyā karte haiñ nazrāna koī

    karb ke sahra se guzra jab bhi diwana koi

    muskuraya shaKH-e-nazuk par chaman-KHana koi

    mausam-e-barsat hai aur wajd mein hain lala-zar

    dushmanon ke war se chhalka hai paimana koi

    raat bhar roti rahi be-sud sham-e-arzu

    jab sar-e-mahfil chala aaya hai parwana koi

    ajnabi basti ke logon se zara nazren mila

    mil hi jaega yahan bhi jaana-pahchana koi

    ai dil-e-'mani' yunhi manzil kabhi milti nahin

    rah-e-ulfat mein diya karte hain nazrana koi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY