karen kis liye hum kisi ka lihaz
kareñ kis liye ham kisī kā lihāz
kisī ko nahīñ jab hamārā lihāz
musāvāt us chiiz kā naam hai
ki uTh jaa.e chhoTe baḌe kā lihāz
lihāz is kā kuchh tum ko bhī chāhiye
kiyā ham ne kitnā tumhārā lihāz
kisī kī koī baat suntā nahīñ
kisī ko nahīñ ab kisī kā lihāz
kharī baat kahne ke aadī haiñ ham
na bejā muravvat na bejā lihāz
jo insāñ zamāne ke kaam aa.egā
usī kā karegā zamāna lihāz
na rutba na ohda na zar hai na zor
kare kaun 'sarshār' terā lihāz
karen kis liye hum kisi ka lihaz
kisi ko nahin jab hamara lihaz
musawat us chiz ka nam hai
ki uTh jae chhoTe baDe ka lihaz
lihaz is ka kuchh tum ko bhi chahiye
kiya hum ne kitna tumhaara lihaz
kisi ki koi baat sunta nahin
kisi ko nahin ab kisi ka lihaz
khari baat kahne ke aadi hain hum
na beja murawwat na beja lihaz
jo insan zamane ke kaam aaega
usi ka karega zamana lihaz
na rutba na ohda na zar hai na zor
kare kaun 'sarshaar' tera lihaz
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
