kareñge choT havāoñ pe kārgar to ho
bahāv un kā badal jaa.e ye asar to ho
safar ye zindagī kā is qadar hai lāzim kyoñ
safar meñ ham haiñ magar ham meñ ye safar to ho
ma.ānī manziloñ aur rāstoñ ke hai tab hī
ki lauTne ko musāfir ke koī ghar to ho
haañ lutf rūThne kā bhī unheñ mile lekin
hamāre paas manāne kā kuchh hunar to ho
jabīñ pe ḳhaak yahāñ kī lagā ke ghūmeñge
galī se apnī kabhī un kā bhī guzar to ho
jidhar vo hai vahāñ ham na ho to kidhar jaa.eñ
idhar vo ho nahīñ sakte to ham udhar to ho
rahī talāsh hameñ umr bhar sahar kī so
talāsh meñ kahīñ apnī bhī ik sahar to ho
nazar agar hai tirī to nazar nahīñ aatī
nazar ko aa.e nazar aisī ik nazar to ho
karenge choT hawaon pe kargar to ho
bahaw un ka badal jae ye asar to ho
safar ye zindagi ka is qadar hai lazim kyon
safar mein hum hain magar hum mein ye safar to ho
maani manzilon aur raston ke hai tab hi
ki lauTne ko musafir ke koi ghar to ho
han lutf ruThne ka bhi unhen mile lekin
hamare pas manane ka kuchh hunar to ho
jabin pe KHak yahan ki laga ke ghumenge
gali se apni kabhi un ka bhi guzar to ho
jidhar wo hai wahan hum na ho to kidhar jaen
idhar wo ho nahin sakte to hum udhar to ho
rahi talash hamein umr bhar sahar ki so
talash mein kahin apni bhi ek sahar to ho
nazar agar hai teri to nazar nahin aati
nazar ko aae nazar aisi ek nazar to ho
Source:
Word File Mail By Salim Saleem
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
