aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

karta hai bagh-e-dahr mein nairangiyan basant

Muneer Shikohabadi

karta hai bagh-e-dahr mein nairangiyan basant

Muneer Shikohabadi

MORE BYMuneer Shikohabadi

    kartā hai bāġh-e-dahr meñ nairañgiyāñ basant

    aayā hai laakh rañg se ai bāġhbāñ basant

    ham-rañg hai duun nikal ashrafī ke saath

    paatā hai aa ke rañg-e-talā.ī yahāñ basant

    joban par in dinoñ hai bahār-e-nashāt-e-bāġh

    letā hai phuul bhar ke yahāñ jholiyāñ basant

    mūbāf zard rañg hai sumbul choT meñ

    khotā hai bū-e-gul pareshāniyāñ basant

    navvāb-e-nām-dār 'zafar-jañg' ke huzūr

    gaatī hai aa ke zohra-e-gardūñ-makāñ basant

    jām-e-aqīq zard hai nargis ke haath meñ

    taqsīm kar rahā hai mai-e-arġhavāñ basant

    hote haiñ tā.irān-e-chaman nargisī kabāb

    kah do ki is qadar na kare garmiyāñ basant

    chehre tamām zard haiñ daulat ke rañg se

    koThī meñ ho gayā hai sarāpā ayaañ basant

    niilā huā hai muñh gul-e-sausan baaġh meñ

    letā hai iḳhtilāt meñ kyā chuTkiyāñ basant

    kaḌve dhare hue haiñ jo navvāb ke huzūr

    bāhar hai apne jaame se ai bāġhbāñ basant

    pukhrāj ke gilāsoñ meñ hai lāla-gūñ sharāb

    sone paanī ke hai ratab-ul-lisāñ basant

    sarsoñ jo phūlī dīda-e-jām-e-sharāb meñ

    bint-ul-anab se karne lagā shoḳhiyāñ basant

    zer-e-qadam hai farsh-e-basantī huzūr ke

    masrūf pā-e-boss meñ hai har zamāñ basant

    maiñ gard-posh ho ke banā shāḳh-e-za.afarāñ

    lipTā huā hai mere badan se yahāñ basant

    kartā huuñ ab tamām duā par ye chand sher

    aayā pasand majma.a-e-ahl-e-zamāñ basant

    jab tak ki mahv-e-qahqaha huuñ gul hazār meñ

    rañgīn taar hai sifat-e-za.afarāñ basant

    yārab hazār saal salāmat raheñ huzūr

    ho roz jashn-e-īd yahāñ jāvedāñ basant

    ahbāb surḳh-rū raheñ dushman hoñ zard-rū

    jab tak manā.eñ mardum-e-hindostāñ basant

    zardī tarah baiza-e-bulbul meñ chhup rahe

    is baaġh se na jaa.e miyān-e-ḳhizāñ basant

    taqdīr meñ thī furqat-e-yārān-e-lucknow

    is shahr meñ 'munīr' kahāñ thā kahāñ basant

    karta hai bagh-e-dahr mein nairangiyan basant

    aaya hai lakh rang se ai baghban basant

    ham-rang ki hai dun nikal ashrafi ke sath

    pata hai aa ke rang-e-talai yahan basant

    joban par in dinon hai bahaar-e-nashat-e-bagh

    leta hai phul bhar ke yahan jholiyan basant

    mubaf zard rang hai sumbul ki choT mein

    khota hai bu-e-gul ki pareshaniyan basant

    nawwab-e-nam-dar 'zafar-jang' ke huzur

    gati hai aa ke zohra-e-gardun-makan basant

    jam-e-aqiq zard hai nargis ke hath mein

    taqsim kar raha hai mai-e-arghawan basant

    hote hain tairan-e-chaman nargisi kabab

    kah do ki is qadar na kare garmiyan basant

    chehre tamam zard hain daulat ke rang se

    koThi mein ho gaya hai sarapa ayan basant

    nila hua hai munh gul-e-sausan ka bagh mein

    leta hai iKHtilat mein kya chuTkiyan basant

    kaDwe dhare hue hain jo nawwab ke huzur

    bahar hai apne jame se ai baghban basant

    pukhraj ke gilason mein hai lala-gun sharab

    sone ka pani pi ke hai ratab-ul-lisan basant

    sarson jo phuli dida-e-jam-e-sharab mein

    bint-ul-anab se karne laga shoKHiyan basant

    zer-e-qadam hai farsh-e-basanti huzur ke

    masruf pa-e-boss mein hai har zaman basant

    main gard-posh ho ke bana shaKH-e-zafaran

    lipTa hua hai mere badan se yahan basant

    karta hun ab tamam dua par ye chand sher

    aaya pasand majma-e-ahl-e-zaman basant

    jab tak ki mahw-e-qahqaha hun gul hazar mein

    rangin tar hai sifat-e-zafaran basant

    yarab hazar sal salamat rahen huzur

    ho roz jashn-e-id yahan jawedan basant

    ahbab surKH-ru rahen dushman hon zard-ru

    jab tak manaen mardum-e-hindostan basant

    zardi ki tarah baiza-e-bulbul mein chhup rahe

    is bagh se na jae miyan-e-KHizan basant

    taqdir mein thi furqat-e-yaran-e-lucknow

    is shahr mein 'munir' kahan tha kahan basant

    Source:

    Muntakhabul-Alam (Pg. 102)

    • Author: Muneer Shikohabadi
      • Edition: 1831
      • Publisher: Matba Saeedi
      • Year of Publication: 1848

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now